अमृताचे बोल तीचे
गाते प्रेमाची थोरवी
कल्पतरू ची सावली
माझी प्रेमळ आई............
स्पर्शाने तिच्या
दुःख दूर होई
डोळ्यात तीच्या स्वप्न
आपुलीच राही
सुखासाठी आपल्या
ती कष्ट फारच घेई
चंद्रा पेक्षा हि शितल
माझी प्रेमळ आई........
घावं लागता लेकरा
वेदना तिच्या काळजाला होई
कुरवाळत ती प्रेमाने
हलकेच जवळ घेई
घावा वर मारलेले फुंकर तिचे
औषध मोठे होई
सागराची अथांगता
माझी प्रेमळ आई........
व्यक्त होण्याआधीच
मनाला वाचून घेई
प्रत्येक प्रश्नाचे उत्तर
तिच्याकडे राहील
आपल्या वाटेवरची काटे
ती हलकेच वेचत जाई
अशी गुरूंची ही गुरु
माझी प्रेमळ आई........
सुखा दुःखात साथ देई
प्रेरणेचे बळ होई
निराश झालेल्या जिवनाला
पुन्हा ऊर्जा देई
सूर्यासारखी प्रकार शिकवण देणारी
ती कधी युगंधरा होई
आभाळाची भव्यता
माझी प्रेमळ आई.......
माझा श्वास जुळे तिच्या श्वासाशी
तिच्या हसण्याने स्पंदने
माझ्या हृदयाची वाजती
तिच्या असण्याने अर्थ
माझ्या आयुष्याला
माझेही आयुष्य मिळो तुला
माझी प्रेमळ आई........
कोणत्याही टिप्पण्या नाहीत:
टिप्पणी पोस्ट करा