मंगळवार, २२ सप्टेंबर, २०२०
विस्तवाचा निखारा
का आयुष्यी त्याच्या
विस्तवाच निखारा
रक्ताघामाने भिजते धरणी
पदरी नापिकीचा पसारा
रात दिस डोळे त्याचे
पिकाकडे बघती
राखता पिक अनवाणी
पाया माय मातीचा सहारा
कधी फाटक्या वहनातून
फन लागे पायाला
भळभळ रक्त वाहे
नयनी आसवांच्या धारा
ते आभाळाचं लेकरू
झोक्यामध्ये रडत राही
माय वेचता फन वावरातले
लेकरा देई पहारा
उभ्या वावरात त्याच्या
रक्ताघामाच शिंपण
लेकरावाणी जपतो पिक
उनवार झेलत सारा
जपण्या पिक रात्रीला तो
जागल जाई रानी
पहाटी पहाटी डोईवर त्याच्या
इंधनाचा भारा
दिसा माग दिस जाती
घरी येई पिक
स्वागत होई पिकाचे
मनी स्वप्नांचा पसारा
लेकरा बाळा कपडेलत्ते
वही-पेन घेईन
जाताना बाजारी क्षणात
होई स्वप्नांचा चुराडा
मातीमोल भाव लागे
ढसाढसा तो रडतो
बाहेर कर्जाचा डोंगर
मन घेईल फाशी चा सहारा
पिकाचे मोती माती मोल देऊन
घरी रडत रडत येई
स्वप्नांना नाही अर्थ
आयुष्या जणू विस्तवाचा निखारा
याची सदस्यत्व घ्या:
टिप्पणी पोस्ट करा (Atom)
-
एक सांगु का बाबा, तुम्ही ना मला रोज आठवता. जेव्हा कुठली मुलगी तिच्या बाबाचा हात ठेवून चालत असते. तेव्हा तुमच्या ही लाडकीचे काळीज आठव...
-
ग्रामीण भागात शिकणाऱ्या मुला- मुलींच्या शैक्षणिक समस्या हा अत्यंत गंभीर प्रश्न आहे . प्रामुख्याने मुलींना शिक्षण घेत असताना अनेक गोष्टीचा ...
-
बाप हृदय लेकराचं बाप अवघे आकाश बाप श्वास जगण्याचा बाप घरट आयुष्याचं बाप वरून रागीट पण त्याचं हृदय फुलाच बाप पाहतो स्वप्नं आपल्या ...
-
शब्द तेच आहेत, कानामात्रा बदलला की अर्थ बदलतो.... शब्द बदलले की आम्ही ही बदलतो! आम्ही माणुसच; पण आम्हाला या शब्दांच्या मा...
-
उघडून दार शिक्षणाचे घडवली मोठी स्त्री क्रांती स्त्री शिक्षणाचे तुम्ही प्रणेता धन्य धन्य तुम्ही क्रांतीज्योती महात्मा ज्योतिबा ...
खुप छान
उत्तर द्याहटवाधन्यवाद
हटवा