ज्ञानसूर्याच्या लेकरांनो
आज बेभान का रे झालात
माझ्या भिमबा ला
वाटले का रे गटागटात .......
गावातलं लेकरू आमचं
पुढारी झालय फार मोठं
शिक्षणाचा झाला झीरो
नेतागिरीची येते वरात.........
वादळाचे रे वंशज तुम्ही
का भटकत चालले अंधारात
मृगजळाचा भास करुनी
खेचले जातयं तुम्हाला खड्यात........
क्रांतीचे वादळ अवघे
समावून घ्या लेखणीत
समाज चालला रे आपला
पुन्हा अज्ञानाच्या तिमिरात......
विषमतेची विषारी बंधने
टाकित आहेत पुन्हा कात
जाळुन घ्या हात तुमचा
जपण्या समतेची वात.....
कोणत्याही टिप्पण्या नाहीत:
टिप्पणी पोस्ट करा