अस्तित्त्व

हेवे दावे करण्यात आमचे 

आयुष्य अवघे सरले हो 

परतून रित्या ओंजळी 

मरण कुणाला सुटले हो 

क्षितिजाचे ते जगणे शोधता 

वास्तव आमचे हरले हो 

झोपडी-बंगल्याची सीमा कशाला

माणुसपण आमचे कुजले हो 

तो वैभवाचा ताज डोक्यावर 

साज कोणाचा सोबत आला 

माती मधिल जन्म आपुला 

मातीमध्येच संपेल हो

कागदाचे तुकडे भारी

आज तुम्हाला वाटते खरे 

जिव्हाळ्याची कमवा नाती 

खांदा तरी देतील हो

जातीपाती लिंगभेद तो

कसला विळखा कसल्या रुढी

सरणावरती जातील जळुनि

अस्तित्व देहाचे संपेल हो

अँड.विशाखा समाधान बोरकर 

रा. पातुर जि. अकोला 

10/08/2021