बाप अवघे आकाश
बाप श्वास जगण्याचा
बाप घरट आयुष्याचं
बाप वरून रागीट
पण त्याचं हृदय फुलाच
बाप पाहतो स्वप्नं
आपल्या उज्ज्वल भविष्याचं
बाप कष्टाचेच नाव
रातदिस ओझ फिकीरीचं
कसा चालेलं हा संसार
प्रश्न तोडते काळीज
बाप झेलतो ऊन
नसे तया कसलेच भान
बाप अस्तित्व घराचं
बाप गीता न् कुराण
बाप समजत नाही
कसा जगतो आयुष्य
त्याच्या काळजात वसे
फक्त हितच लेकराचं
बाप सागर अथांग
बाप अमृतेची ओवी
तो जळतो आयुष्य
देई प्रकाश लेकरास
बाप गरज आयुष्याची
बाप भक्कम आधार
त्याच्या नसण्याने वाटे
सुनंसुनं जगण्याचं
कोणत्याही टिप्पण्या नाहीत:
टिप्पणी पोस्ट करा