ब्रँडेड ज्वेलरी, ब्रँडेड कपडे
म्हणजेच आयुष्य नसतं
त्या झोपडीतील भाकरीत
सुख लपलेलं असतं
नको भडिमार त्या सुखाचा
नको तो कागदाचा पैसा
दु:ख वाटून घेण्यासाठी कोणी
जवळ असावं लागत असतं
ती उडणारी पाखरे ,अंगणातील फुले
क्षितिजापल्याडच त्यांच जगणे असत
नाही ती स्पर्धा कुठल्या लोभाची
नव्या उमेदीचे पंखात बळ असतं
आपणच माणसे बिघडलोय सारी
म्रुगजळाच्या मागे आपलं धावण असतं
वैभवाचे वारे आणि प्रशस्त बंगला
यातच आमचं सुख लपलेलं असतं
सुखाच्या व्याख्येने आभासी जग व्यापलं
पाषाणाचे हृदय म्हणजे ह्रदय नसतं
प्रत्येकाच्या सुखाचा विचार मनी यावा
तेच खरं आयुष्याचं नाव असतं
कोणत्याही टिप्पण्या नाहीत:
टिप्पणी पोस्ट करा